滷友記 (加路連山道) (Closed)

呢間喺銅鑼灣同荃灣都有分店嘅滷友記主打招牌古法滷水同秘制咖喱，上星期就同朋友試下。 滷水五拼麵 $65配料好多選擇，揀咗牛筋、金錢肚、滷水雞翼、豆腐同手打墨丸。湯底揀最出名嘅招牌滷水湯。而麵底都有三款，揀咗台灣牛肉麵。最出色係牛筋，好重膠質，好淋好入味，手打墨丸都唔錯。招牌滷水湯有驚喜，有淡淡藥材味，飲多幾啖都唔會口渴。 蕃茄四拼麵 $60朋友就揀咗豬大腸、豬肚、手打墨丸同陳皮魚蛋配米線。蕃茄湯都好濃味，陳皮魚蛋細細粒好香陳皮味。 滷水溏心蛋 $9溏心蛋好滑溜，配麵食一流。凍蘋果雪梨雪耳 +$12熱陳皮冰糖燉檸檬 +$12