Video
Read full review
2024-03-14
210 views
成都米芝蓮川菜【銀盧1933】最近係香港開左分店，餐廳主打傳統古法川菜同花椒料理既中菜fine dinning，對於我一個熱愛麻辣花椒既人黎講、當然要去一試啦。餐廳裝修非常優雅大氣、主要提供tasting menu，要預先訂位，而且可以個人要求更改menu（要先與餐廳溝通）。Tasting Menu每個月都會有改動、務求客人每次都有新鮮感。餐廳最特別之處係有自己嘅花椒園、種植70幾種花椒，每一道菜式都會用唔同種類既花椒烹調，突出特色。開胃小菜：提子、荔枝Calpis無酒精飲品。提子同荔枝Calpis清甜，最岩一開始清理同refresh個味蕾。涼菜：四款小菜包括成都泡菜、燈影魚片、燒椒皮蛋、麻椒鱔絲。放係一個非常精緻既木盒裏面serve、建議由左至右（味道淡到濃）食起。成都泡菜微酸微辣；燈影魚片用燈影牛肉既整法、甜甜辣辣、燈光下透明；燒椒皮蛋、口感細膩，蛋黃醇香、燒椒味非常特別；鱔魚用左怪味整法、姐係用好多種調味料所製成、味道層次感豐富、鱔魚非常香脆。前菜 — 魚子醬鷄牛湯凍：用左15年鱘魚而製成既雅安魚子醬，鵝肝醬、雞牛湯凍、鮑魚同泡菜搭配魚子醬鮮香濃郁、有別於西式鵝肝。湯 — 蝴蝶竹
開胃小菜：提子、荔枝Calpis無酒精飲品。提子同荔枝Calpis清甜，最岩一開始清理同refresh個味蕾。
涼菜：四款小菜包括成都泡菜、燈影魚片、燒椒皮蛋、麻椒鱔絲。放係一個非常精緻既木盒裏面serve、建議由左至右（味道淡到濃）食起。成都泡菜微酸微辣；燈影魚片用燈影牛肉既整法、甜甜辣辣、燈光下透明；燒椒皮蛋、口感細膩，蛋黃醇香、燒椒味非常特別；鱔魚用左怪味整法、姐係用好多種調味料所製成、味道層次感豐富、鱔魚非常香脆。
前菜 — 魚子醬鷄牛湯凍：用左15年鱘魚而製成既雅安魚子醬，鵝肝醬、雞牛湯凍、鮑魚同泡菜搭配魚子醬鮮香濃郁、有別於西式鵝肝。
湯 — 蝴蝶竹蓀湯：湯底用左金華火腿、白菜、豬骨等熬製8小時、非常清甜。品嘗一啖之後會再加山椒精油、山椒有少少柚皮既特殊香味、令湯既味道會變得更香醇。蝴蝶係魚豆腐，好精美。
熱菜—大千乾燒關東參（牛市坡玫瑰貢椒）：以藝術家兼美食家張大千既食譜所製作既一道改良料理，用左炸杏鮑菇同黑毛豬再加牛市坡玫瑰貢椒整成既醬汁去乾燒關東參，而海參軟硬度適中。
土罐貢椒乳鴿（漢源大產區子母貢椒）：乳鴿先用花椒同秘制滷水滷完再炸、然後用土窯同松針熏烤、乳鴿皮脆、肉好嫩好juicy、食完個口會微微麻。
青花麒麟魚（清溪鎮青花椒）：麒麟魚用最肥美既腹部、啖啖肉、再用立鱗方法令全條魚都可以食用。底下係蠶豆+青花椒打成蓉、味道會同其他幾樣菜式相比偏辣但更香濃。
老成都水煮牛（茂縣大紅袍）：使用香港本地騸牯牛、肥瘦適中、肉質軟嫩，使用四川傳統做法，裏面包括蓮藕、土豆片等等。味道香濃惹味。
野山椒素炒千年銀杏配九年野生百合：蔬菜使用吉興刀工切出好似俄羅斯方塊形狀、多數都係逢年過節先會用上，另外使用自己種植既千年銀杏樹既銀杏果實、有別一般銀杏、口感會比較煙韌而且完全唔會苦。另外蔬菜同百合都非常鮮甜。
主食—老鹽菜煨飯：用左醬油同老鹽菜去炆煨既飯、唔會太鹹、而且附上辣蘿蔔乾增加鮮味。
甜品—麻婆豆腐冰淇淋：冰淇淋用新鮮豆腐整成、好香豆腐味、再加上花椒油，好特別、似完全唔辣冰冰涼涼既麻婆豆腐。
花椒茶：無咖啡因、可以去濕，而且真係有D椒麻感覺。
糖果：包括杏仁薄脆、馬卡龍同花椒朱古力。全部都有加花椒去整，而個人最鍾意馬卡龍、有別於傳統馬卡龍、呢款係奶油加入花椒籽精油打成、鹹鹹甜甜，唔會過甜非常特別。
Post
