黃埔小廚

Open Now

Now Closed

天寒地凍最正就係開返個羊腩煲，去左呢間主打港式大牌檔風味嘅小廚，集合鑊氣小炒，海鮮，煲仔飯菜式於一身，三五成群黎開煲就最好不過。古法雙冬支竹羊腩煲一大煲香噴噴羊腩煲上枱，羊腩帶皮，肉質軟稔，皮厚彈牙，配料有大量支竹，冬菇，竹荀，白蘿蔔，青蔥，湯汁濃厚惹味，支竹蘿蔔炆得好入味，埋爽嫩生菜一大碟，秘制腐乳醬汁，食完成身暖笠笠。玻璃皮炸乳鴿超級脆皮，肉汁仍然飽滿，肉厚，肉質嫩滑，醃得入味，不比內地名店質素遜色。潮汕蠔仔粥 大大鍋蠔仔粥，足夠4至6人享用，蠔仔量好多，肥美肉厚，鮮味爆登，潮汕氣格，飯粒鮮明，湯頭鮮甜暖胃。