Gastrobox The Union (Closed)

今日同侄仔去搵好嘢食！諗住新一年去食啲高級啲貴啲嘅嘢，順便獎勵下自己同屋企人。我地商量後决定去Gastrobox,呢間餐廳好易去，喺堅尼地城站C出口出嚟之後就喺公園後面，非常之易行， 喺西環應該都算高級啦。呢間店非常之古色古香啊！天花嘅吊燈勁有懷舊風味！隔離仲有個吧枱放咗好多高級酒，環境都ok, 侍應服務好好，我哋一坐低就先嚟兩件西多，座位都坐得好舒服。我睇咗餐牌就叫咗碟烤特級安格斯西冷牛扒，要咗7成熟。好好食呀，又唔會韌喎，非常之好咬口，可以話係入口即化。佢比果個醬汁都好適合沾牛扒食，薯仔都好好食，連個薯仔皮都入晒味，唔會苦。我侄仔就叫咗個法式香草燒嫩羊仔鞍，佢嘅羶味比較淡唔會話對比起普通餐廳食到嘅咁羶，唔鍾意食羊嘅人一般都係驚啲羶味，但我侄仔話呢款羊鞍適合所有人食，驚羊羶味嘅人都可以試下咁。飲品方面我哋就叫咗菠蘿汁同Cappuccino再加多杯雪糕做甜品。呢一餐我侄仔話食得好滿足，仲叫我第日多啲請佢去食，哈哈！