碼頭上魚

Open Now

Now Closed

今次約咗朋友喺元朗食正宗四川火鍋，一入到餐廳已經比佢裝修吸引住，天花掛住巨型魚燈籠，座位都以卡位為主，私隱度夠高～叫左一個鰂魚鍋，原條鰂魚輕香煎置係鍋入面，奶白色鮮魚湯底，配以香蔥、薑同花椒去腥，湯底配料包括左蕃茄金菇等蔬菜。呢間餐廳主打食美魚🐟～我地就叫左一條鱸魚，上枱整條鱸魚好新鮮，師傅都好貼心開得好好，鱸魚肉多骨少，放入魚湯中更顯鮮甜！打邊爐作為食肉獸一定要食肉肉！所以叫左安格斯牛肉，因為已經叫左一條鱸魚所以今次淺嚐就好～牛肉雪花都好均勻，輕輕淥幾秒已經可以！牛肉濃厚，好好食😋另外丸類叫左半份墨魚丸同鮮蝦卷，份量都夠～睇到單張，原來like番社交平台可以送紅糖冰粉，食到最後店員姐姐仲好貼心提我地送，值得一讚！