Video
Read full review
2019-11-26
115 views
曾經係銅鑼灣江浙滬同同事食過幾次lunch, 近排發現原來尖沙咀開左分店, 個門面仲要好搶眼, 紅燈籠加上木系裝潢好有中國風味, 就上去食個晚餐。餐廳環境同門面一樣咁有特色, 牆上木雕同字畫都加添幾分古色古香味道, 餐牌附有實物圖。樟茶鴨樟茶鴨做法繁複, 又要煙燻又要脆炸, 唔係度度有得食, 依個樟茶鴨皮脆肉嫩又咸香, 帶有淡淡煙燻香, 配埋蝴蝶包一齊食, 中和番個咸味, 別有一番風味。花雕醉香雞店員擺低時已經聞到好香花雕酒味, 雞好嫩滑亦好入味, 花雕香滲哂入肉同時亦食到雞肉香氣, 好好食既頭盤蟹粉小籠包餐廳有一系列既蟹粉餐牌, 叫左個蟹粉小籠包試試, 皮薄餡靚又多汁, 蟹粉味道令湯汁好鮮甜, 值得一叫!擔擔麵麵既湯頭十分濃郁, 質感偏濃稠, 好濃郁既花生香氣, 有花生粒既口感, 再帶少少辣味。麵條麵質彈牙有口感, 湯夠濃所以好易掛滿麵條, 出色餛飩雞湯因為食完擔擔麵同樟茶鴨比較濃味既菜式, 好想飲個清清地既湯, 於是叫左一位既餛飩雞湯share, 好清甜, 中和番擔擔麵既油膩感薑茶湯圓最尾梗係要叫個甜品, 哩d天氣最岩食個薑茶湯圓暖暖胃, 薑茶唔太辣亦唔會好甜, 熱辣辣飲落好舒服,
餐廳環境同門面一樣咁有特色, 牆上木雕同字畫都加添幾分古色古香味道, 餐牌附有實物圖。
樟茶鴨
樟茶鴨做法繁複, 又要煙燻又要脆炸, 唔係度度有得食, 依個樟茶鴨皮脆肉嫩又咸香, 帶有淡淡煙燻香, 配埋蝴蝶包一齊食, 中和番個咸味, 別有一番風味。
花雕醉香雞
店員擺低時已經聞到好香花雕酒味, 雞好嫩滑亦好入味, 花雕香滲哂入肉同時亦食到雞肉香氣, 好好食既頭盤
蟹粉小籠包
餐廳有一系列既蟹粉餐牌, 叫左個蟹粉小籠包試試, 皮薄餡靚又多汁, 蟹粉味道令湯汁好鮮甜, 值得一叫!
擔擔麵
麵既湯頭十分濃郁, 質感偏濃稠, 好濃郁既花生香氣, 有花生粒既口感, 再帶少少辣味。麵條麵質彈牙有口感, 湯夠濃所以好易掛滿麵條, 出色
餛飩雞湯
因為食完擔擔麵同樟茶鴨比較濃味既菜式, 好想飲個清清地既湯, 於是叫左一位既餛飩雞湯share, 好清甜, 中和番擔擔麵既油膩感
薑茶湯圓
最尾梗係要叫個甜品, 哩d天氣最岩食個薑茶湯圓暖暖胃, 薑茶唔太辣亦唔會好甜, 熱辣辣飲落好舒服, 湯圓係芝麻餡, 軟糯好味
食完甜品覺得好滿足好圓滿, 價錢亦好合理, 食咁多野每人都係$200左右。服務亦好好, 店員會主動加茶, 收碟等等, 環境又唔嘈雜, 想食中菜既話依度係一個不錯既選擇
Post
