居廬 Cafe (Closed)

琴日約左約位舊同事食飯 搵一間餐廳可以訂位 唔限時 響旺角太子區 其實真係好難 上openrice 搵搵下見到呢間居廬 好似好有特式 訂位有9折 仲唔限時 咪試下 去到 果然裝修古色古香 但d位就真係少d 好在有訂位 預左張4人台 呢間野 外表似間酒吧 有個高高地既酒吧台 但其實係一間cafe 有好多無酒精既野飲 其實 佢有幾款手工啤同雞尾酒 但呢日我地去 只有兩款手工啤 雞尾酒果板就大大個义 可能調酒同事無返工 我地叫左幾個送 意大利粉 pizza 意大利飯 不過不失 同行同事話麻麻 最主要係整得太耐 我地叫左三樣野 起碼半粒鐘先上到一樣 最後 叫返個甜品 紫薯士多啤梨窩夫 意外驚起 超好食 原來呢度主sell甜品 十點已收舖要埋單 真係諗梗佢可唔可以維到皮