大公雞 (Closed)

一間位於葵興的台式餐廳，KCC商場一樓的位置，在角落的位置，附近就有洗手間。入到去，原來間鋪入面好大、都有好多座位。我地揀左一份台式半筋半腩飯，一份四寶手工麵。台式半筋半腩飯有各4塊既筋和腩，牛筋炆得都好腍，而牛腩就唔會太腍，肉同筋腱都恰到好處。飯既份量都夠多。四寶手工麵有（牛腩、牛筋、雞中翼、大腸）雞中翼正正常常、大腸啲油脂都去得乾淨，整體都唔錯。飲品奶蓋朱古力及仙草奶茶。奶蓋朱古力既奶蓋甜甜地，朱古力味夠濃。仙草奶茶既仙草份量有半杯咁多，而奶茶都正常，唔會太濃或太甜。另外叫左兩份小食：古早味滷水豬耳和黃金香酥排骨，豬耳炆得太腍，令肉和軟骨的口感奇怪，而黃金香酥排骨好大塊，炸得夠香，又唔會干。