Lucky Ristorante (Closed)

其實一直想黎試Lucky Ristorante，不過平日返工食唔倒，放假又好多人，睇過openrice啲餐廳環境相，感覺要日頭黎先relax影相又靚，所以趁清假終於黎倒。Lucky平日下午一點後先多人，日光加埋天花吊落黎嘅乾花，感覺懶洋洋又寫意。露台有幾個座位，其中一個仲有搖椅。是日沙律 -  Lunch Set有包沙律或者餐沙。沙律都唔細份，入面加左好多醋汁，每一啖都食倒醋酸味，非常開胃。番茄忌廉湯 - Pizza Lunch Set只包餐湯，今日係番茄忌廉湯，忌廉湯杰度啱啱好，番茄酸味幾突出。自家製安格斯牛肉漢堡包配薯條($118) - 漢堡包除左薯條之外，原來本身都有跟一細碗沙律，但menu係冇寫嘅，另外仲可以加$30加鵝肝。漢堡包好大份，中間有漢堡牛肉、鵝肝、兩大塊煙肉、芝士、番茄同生菜，如果一個人食晒真係勁飽。牛肉好juicy油潤，鵝肝煎到外脆內軟，薯條脆得黎都好有咬口。風乾巴馬火腿薄餅($128) - Pizza雖然係Lunch Set，但直徑都有11吋。Pizza厚薄適中，上面鋪滿番茄醬同芝士，味道濃郁，中間有好多火腿同火箭菜，火腿鹹鹹香香好油潤，每一片薄餅都分倒火腿。凍