Video
Read full review
2014-05-13
546 views
7點45分，通常在APM嘅元氣都要等成二十幾三十張枱，今日就無去APM元氣，去左秀茂坪呢間，平日都好少人等位，今日都唔例外，眼見坐都只坐了三份一不到，就施施然係度揀位坐。唔知點係同APM人流爭咁遠，仲要係D侍應都好得閒。剛剛開張嘅時侯，仲好多人食，次次都要等位添，其實最近都好少黎呢間，寧願等都係APM食，都唔願上黎呢度（雖然實有位） ，因為發覺佢地刺身都唔及APM元氣，咁樣自自然然就少黎左。今日見到佢地個場面都幾震驚，食飯嘅黃金時間得果小貓3-4隻，咁都無所謂，坐得舒服D添啦，今次都係食果幾樣例牌，三文魚刺身，飛魚子軍艦，同我最喜愛的螺片壽司 ，呢三樣好難會難食掛？其實如果大家唔趕時間呢，叫侍應落單一定好食過係回轉拎的，今次仲叫左份吞拿魚刺身，今日嘅吞拿魚刺魚好過之前，之前嘅有D豬紅，今次都有番D鮮色。仲有今年新增嘅溫泉蛋，又唔知點解次次係元氣叫親溫泉蛋都唔比匙羹我，係咪佢地預左用個咀就咁吸就得？叫個侍應比隻匙羹我，然後堆埋一堆其中一個侍應終於見到我，佢動作很快睇都唔睇下就拎左隻匙羹過黎，（喂，用黎飲湯架喂......)然後同個侍應講，我想要一隻用黎食溫泉蛋嘅匙。終於知道點解佢越黎
唔知點係同APM人流爭咁遠，仲要係D侍應都好得閒。
剛剛開張嘅時侯，仲好多人食，次次都要等位添，其實最近都好少黎呢間，寧願等都係APM食，都唔願上黎呢度（雖然實有位） ，因為發覺佢地刺身都唔及APM元氣，咁樣自自然然就少黎左。
今日見到佢地個場面都幾震驚，食飯嘅黃金時間得果小貓3-4隻，咁都無所謂，坐得舒服D添啦，今次都係食果幾樣例牌，三文魚刺身，飛魚子軍艦，同我最喜愛的螺片壽司 ，呢三樣好難會難食掛？
其實如果大家唔趕時間呢，叫侍應落單一定好食過係回轉拎的，今次仲叫左份吞拿魚刺身，今日嘅吞拿魚刺魚好過之前，之前嘅有D豬紅，今次都有番D鮮色。
仲有今年新增嘅溫泉蛋，又唔知點解次次係元氣叫親溫泉蛋都唔比匙羹我，係咪佢地預左用個咀就咁吸就得？叫個侍應比隻匙羹我，然後堆埋一堆其中一個侍應終於見到我，佢動作很快睇都唔睇下就拎左隻匙羹過黎，（喂，用黎飲湯架喂......)然後同個侍應講，我想要一隻用黎食溫泉蛋嘅匙。
終於知道點解佢越黎越少人幫襯。
Post