Video
Read full review
2023-09-01
72 views
今晚唔想煮飯，但係又唔想出街食，於是朋友提意响公司附近D2 Place Two 商場嘅川菜館，外賣餸菜返屋企食。嘩！喺屋企煲個飯就有好嘢食，我梗係冇異議啦😋。經典香辣鍋小辣 $38.- (跟最少5款配料共$208.-) 配料由$28.-起，辣度分三級，可另加麻或走芫茜，芝麻及黃豆，自行選配成為一款最適合自己口味嘅香辣喎😍正。香辣鍋用上大量切碎嘅青椒、辣椒、薑、蒜、蔥及芫茜，再加上配料一齊炒，味道非常惹味香辣。鮮蝦肉質彈牙，新鮮味美。金錢肚同牛舌，肉質軟腍帶牛香味，豬頸肉口感軟腍帶油脂香味。蓮藕片細細片，口感爽脆，非常吸味，零舍香辣，餸飯一流，搞到我忍唔住食多咗一碗飯🤣。川式口水雞 $73.-雞肉有雞香味，肉質非常嫩滑，醬汁鹹味適中，加上味道鮮香麻辣，越食越好味🤤。
經典香辣鍋小辣 $38.- (跟最少5款配料共$208.-) 配料由$28.-起，辣度分三級，可另加麻或走芫茜，芝麻及黃豆，自行選配成為一款最適合自己口味嘅香辣喎😍正。
香辣鍋用上大量切碎嘅青椒、辣椒、薑、蒜、蔥及芫茜，再加上配料一齊炒，味道非常惹味香辣。鮮蝦肉質彈牙，新鮮味美。金錢肚同牛舌，肉質軟腍帶牛香味，豬頸肉口感軟腍帶油脂香味。蓮藕片細細片，口感爽脆，非常吸味，零舍香辣，餸飯一流，搞到我忍唔住食多咗一碗飯🤣。
川式口水雞 $73.-
雞肉有雞香味，肉質非常嫩滑，醬汁鹹味適中，加上味道鮮香麻辣，越食越好味🤤。
Post
