尖仔記麵食

Open Now

Now Closed

當然，叫得車仔麵，緊係點d自己想食嘅餸菜啦，但今次唔同，因為有人請，所以點d平少少嘅餸！我都明，相差都係果十蚊八蚊，但心態問題嘛！唔洗錢都唔好食7咁食啦！米粉仍然係我杯茶，再點鮮菇，鯪魚肉，響鈴，豬大腸同蘿白，多蔥唔該。今次幫襯有d失望，蘿白夠冧但食到最后有少少苦味 (當然明白係材料本身問題唔關尖仔記事)，自己始終中意滷水豬大腸，尖仔記嘅豬大腸唔係我杯茶，但唔係味道唔好。自己中意食蔥，如果鯪魚肉內有更多蔥更夾自己口味。下次幫襯一定會點好鬼正嘅豬軟骨！同朋友講翻句多謝先！有禮貌係常識吧！