心夜來潮 (Closed)

嘩今次食呢間潮州打冷真係改變左我對打冷嘅睇法，因為佢係新派嘅潮州菜呢度有好多唔同種類嘅海鮮凍盤食，因為我哋只係兩個人所以就冇叫到好大份試咗呢一份甜蝦，入邊有啲酒味同埋蒜香味嘩超級惹味 完全停唔到口！做開胃小菜一流另外仲叫咗三個小菜送飯呢碟心夜小炒王 超大份超足料！有蝦干魷魚菜甫仲有炸芋頭絲 食落去好多唔同口感 送飯一流！佢嘅菜甫簡直係點綴 食到一粒都無剩第二碟叫咗香辣魚仔炒花甲王雖然我唔係好見到邊度有魚仔 但係佢同豉椒炒蜆一樣好香口 重點係佢啲花甲好大隻 好鮮甜 炒得啱啱好嫩口！最後諗唔到叫咩見好多人都推介爆炒醬啫秋葵一上枱個煲咋渣聲 已經聞到好香！佢吵得勁香勁好食 就算唔食秋葵嘅人都會覺得勁好食而且佢嘅啫啫煲底有好多肉碎同埋蝦乾 因為呢碟餸我叫多咗一碗飯！最後都忍唔住叫咗個炸饅頭 佢啲饅頭細細粒好易入口 雖然有九粒但係都俾我哋清晒！好推薦大家嚟食呀真係勁好食！完全改變晒我對打冷既睇法，佢仲要係開到凌晨添架宵夜真係一流！