鮨玥 (Closed)

今天同朋友去了西灣河鯉景灣蘇豪哩個位置放機，因為可以放遠點，放完後就係附近搵食，朋友見到這裡有間日本料理，我當然唔反對，入去地方闊落有吧枱，卡位等選擇，座位都十分舒適，望望餐牌，心中已有選擇，先點了份本鮪寿司盛，一次過有齊鮪嘅三個位置，含脂量少、肉質實、有咬口嘅赤身；魚香持而恰到好處的魚油脂，非常甘香嘅中拖羅；魚油脂的甘香，入口即溶嘅大拖羅，三款口味不同做成嘅壽司，真係一次過滿足嘅選擇！而朋友就點了日本花魚一夜干配埋杯三得利生啤，一夜干係日本料理嘅特色菜餚， 鮮魚經過鹽水醃漬和風乾處理，濃縮了鮮味，再經師傅燒烤後，肉質軟彈有嚼勁， 而本身經過風乾過，魚脂變得更加甘美， 魚皮酥香帶脆，魚肉微鹹鮮甜，入口軟滑，配埋杯冰凍嘅生三得利生啤，真係一個完全佐酒選擇！最後加埋個三色海鮮丼，有三文魚、油甘魚、赤海蝦，配埋個日本米飯丼，始終都係要加埋個丼先至夠飽，可能今天車程較遠，好彩有間唔錯嘅日本料理補充一下，下次放完機又可以再來！