Rang Mahal Authentic Indian Cuisine (Closed)

約左朋友去中環食飯，果頭做開遊客生意，出名貴夾唔飽。朋友就提議不如食d冷門野。佢同我都一向重口味，佢search左一陣附近有咩食後，竟然提議食印度野。呢個係一個我完全無考慮過既選擇，但我都好樂於接受挑戰既。終於，我地戰戰兢兢甘黎到皇后大道中（對住租庇利街）。門口唔算醒目，在大路旁邊，有少少難搵，要落足眼力先見到。入到去，裝修都幾有特色，有印度電視同印度畫象。睇一睇餐廳，係正宗既印度料理，好多都係平時食唔到既。我地樣樣都想試下，叫下叫下就叫左5、6道菜。《印度式墩咖哩羊肉》呢道菜係全晚最特別的。羊肉煮到好軟好入味，咖哩質地係杰杰地既。味道方面，羊肉的羶味加上正宗印度咖喱香料的味道，出奇地配合，一層配一層，效果簡直一絕。《番紅花黃飯》印度人食飯唔食白米飯，係食黃飯既。呢個就係印度長米飯，既有特別既口感，煙煙靭靭，又有濃郁既飯香。《廚師特別雞》呢個亦係其中一個驚喜位。特別雞個名真係改得唔錯，真係好特別。隻雞係用鐵板上，係煎雞件黎既。味道好特別，有好多種香料混合出黎既味道，好惹味。《印度蒜蓉薄餅》符合我地既期望，脆脆地，好香口。一路傾計當零食甘食，好岩氣氛。其他野食都好有特色，味道都唔錯。但就