一風堂 (朗豪坊) (Closed)

話說都好耐冇食過拉麵，今日經過朗豪坊果陣發現一風堂出左有個周打蜆湯濃湯拉麵。等左一段時間終於可以入去啦！呢個周打蜆湯濃湯拉麵，仲要係每日數量限定，鍾情於蜆湯的我當然第一時間點左，其實睇個封面圖真係幾吸引。坐低左之後店員會俾杯茶，飲晒之後可以自己加。等左10分鐘左右，主角就出現了。外觀上與餐牌所示的大致相同，都有７成似既。材料都好足。介紹下先：　（＄７８）唔講唔知，麵條採用黑胡椒極太麵，與平時食開的拉麵有少許不同，外觀上每條麵條都有黑椒，軟硬度適中，食起來比較爽口，湯底選用周打蜆湯，冇諗過會咁Match。材料就有蜆，煙肉，仲有大量cheese，所以一黎到係好香，好有意慾去食。而平時拉麵既湯底比較油膩，就算食曬個麵都唔係太想飲，不過呢碗拉麵就唔同啦，湯底一啲都唔油，而且佢真係周打蜆湯黎，所以飲落去都冇咁怪。不過唔知呢款拉麵係咪期間限定既，如果大家想食都可能要先問一問店員仲有冇～～