Cafe 360 (Closed)

想搵一間冇乜人等位,平平哋又唔使同人逼嘅餐廳既話,我會選擇cafe 360。一search之下先知道原來得返屯門深水埗有分店,今日咁啱嚟到屯門食lunch,為咗靜靜哋就揀呢度。自問係一個酥皮湯愛好者,order呢個肉醬肉丸意粉+酥皮湯set lunch,完全係為咗要個湯一如以往意粉都係淨返一半冇食到, 一嚟係因為塊酥皮已經好飽,二黎係因為呢度既意粉相當普通,之前試過其他款式嘅意粉味道都比較淡,所以今次就揀肉醬,不過只可以話都係一般般。朋友就揀咗炸雞窩夫螺絲粉套餐,眼見佢都食淨一半螺絲粉,窩夫比較硬,同樣都係麻麻地。總括而言,覺得午餐畀大概每位70蚊嘅價錢,可以唔需要等位,唔需要限時,唔使搭枱,呢度舒舒服服食個lunch絕對係適合既,至於嘢食方面個人就真係認為好一般。