發記甜品 (Closed)

旺角兩間聰嫂結業，又見到發記有榴槤浴缸鴨仔，幾得意，所以幫襯。直入唔使等位，鋪頭只係得六成滿，已感不妙！個甜品有好多款雪糕口味揀，上枱同Menu一模一樣，真係幾得意影咗好耐相，都無溶。點知個甜品只可以比相機食.....浴缸內嘅食物，層次豐富，但味道......頂隻鴨仔食完都唔知係咩，感覺同食緊冰一樣。面頭層泡泡，有啲榴槤味。之後再有層榴槤蓉，都有榴槤味，唔算好濃或者甜，最好食呢一層。最底係布甸，可惜無味。雪糕過左十分鐘仲係硬都匙羹都插唔入.....食咗兩啖就放棄左