椰小盅燉湯專門店 (太古城中心)

Open Now

Now Closed

見咁多食評讚個燉湯，就去試下。叫左個花膠排骨燉雞湯套餐，除左燉湯，主菜係醋香排骨，加個灼菜，一杯飲品，一小碗飯同甜品紅豆仙草，承惠$119，價錢都尚可。個湯係正嘅，足料加上有椰香味。個醋香排骨都算大碟，味道都唔錯，但可惜只係微熱，個飯都係唔熱，大打折扣。小舖經營，事先整定都無可口非，但起碼要熱先啦。另外，order 同取餐都係自助，但枱面同地下都唔覺清潔過，M記乾淨啲。去到時得一個食客，兩個員工都在一起傾計睇電話，同佢所話嘅「米芝蓮」真係唔多對稱。