Sweetology (Closed)

其實咁細間舖有三個樓面已經好夠，但唔知點解要叫完好耐先有人埋黎。因為點幾鐘未食lunch既關係，我地先點左啲熱食，分別係瑞士雞翼、薯條、卡邦尼煙肉意粉。三樣食物黎到都唔係話熱辣辣嗰隻。瑞士雞翼唔入味，薯條又乾又偏燶，最離譜既係……卡邦尼意粉竟然得黑椒味？卡邦尼意粉係set黎，但個餐包竟然係差唔多我地食哂野先黎。仲有壺果茶，雖然好似好足料，但勁甜食完點左個芒果布甸，終於有樣野正常，唔係話特別好食，只係比鹹食正常。可能呢間野主打係甜品，所以鹹食熱食做得比較遜色。