大榮樺

Open Now

Now Closed

呢間餐廳嘅出品只屬於大件頭，不過唔算抵食，因為佢d餐大約$80至$120，但係質素只屬於一般水準，所以只可以話係合理，而唔係抵食。餐湯得一款，送完即止，當日幫襯嘅時候係晚上七點半，轉頭已經聽到侍應話送完。天婦羅軟殼蟹忌廉煙肉意粉，$118，意粉份量算多，不過軟殼蟹畀想像中細隻，係啲炸粉炸到好鬆所以覺得好似好大件。西冷牛扒好似係$110，畀想像之中多筋多渣，可以配飯、意粉或者薯菜。北海道帆立貝吉列蠔忌廉燴飯，$108，帆立貝同埋吉列蠔嘅質素都只係屬於中下，碟燴飯都算大碟。另外佢啲餐都有跟餐飲，所以只係屬於合理價錢水平。