人和荳品廠 (Moved) New Location

食過好多次啦！不過今次先寫食評，係想大家有個參考。豆腐花有好多種類，但無論揀邊款，都係在原味豆腐花上加嘢，例如杏仁汁，朱古力汁，薑汁等，我食過呢三款，全部都偏甜，味道蓋過原本的豆花香味，所以之後我都係只會食原味的豆腐花！夠豆香及滑！豆漿都幾好飲，有甜或冇糖選擇！煎釀豆腐，我就覺得一般，釀的肉唔多，豆腐煎至外層脆脆地，其實冇咩特別。至於炒麵($16), 除了芽菜及兩小塊豆卜，冇其他餸㗎啦，又係唔覺有咩咁吸引。(可以隨心意點豆瓣醬)柴魚花生粥，淡而無味，敢講，任何一間粥店都比佢好食，只係俾咗錢唔想浪費。總括除了原味豆花及豆漿，真心覺得其他都不值得付金錢去食。