柏景餐廳 (Closed)

一早預訂食呢個tea buffet，想試下佢得唔得，點知有d失望！竟然tea buffet無魚生！正價要成二百幾蚊，竟然魚生都無過份！不過，佢都有樣野抵既，就係有movenpick雪糕食，個度寫$35球架，同行有個friebd食左9球，即$315，抵返曬！最後，個經理短時間內提我地六點鐘佢地有夜晚buffet要交枱，真係令人感覺好差，當時好多人未走，而且佢5：15已經開始叫我地走，tok bad！明明佢地話5：30先要交枱，完全扣分。沙律都無咩問題，而且有好多醬揀！前菜有d cold cut、小夾餡包等等，都好多野揀！主菜唔會有好多扒、肉比大家揀，有d肉排、餃子、雞翼（少有buffet中見到），味道無咩野，食得過，不過d野係普通野！最唔店係d壽司，睇個樣都唔開胃，好似整左好耐，唔新鮮既樣咁，食落硬崩崩，爭鮮都好過佢，不如佢訂爭鮮返黎好過！甜品都算多款式，同埋我鍾意佢唔太甜！最抵食緊係個雪糕，movenpivk本身質素，食落去軟綿綿，不同種類既味道都好濃，非常好食！