Video
Read full review
2006-02-07
82 views
因為憑某某公司積分, 有幸可以換取到兩位免費晚餐, 再加一位正價價錢, 當晚, 三人食比一人錢, 否則每位正價都幾溶下, 幫襯過後好開心. 因不用太大代價就可以證明以後唔駛再去. 最大特色, 自己揀食物, 自己混醬, 自己調味, 烹煮由廚房代勞. 半煮飯仔遊戲. 幾得意下, 但無乜好食, 主糧只有麵飯粉, 肉類只有豬牛羊, 好悶, 蔬菜瓜果來來去去都係好普通既生菜, 粟米, 蕃加, 甘荀, 紅白蘿蔔諸如此類, 食料幾乎可以在自己屋企廚房搵到. 反而佢廿幾樣醬汁佐料比較精彩, 除見到煮用既紹興酒, 鹽醋糖, 沙爹咖喱醬, 橄欖油, 各式甜酸苦辣配料, 其實至鐘意都係招牌蒙古醬, 但好可惜結果出唻既味道好普通, 混錯醬還可算數, 但曾經用好簡單醬料去配, 都唔覺好味, 食左十round, 唔覺有乜變化, 普通到無倫. 樂在其中, 係咪樂在自由配煮飯仔, 定係樂在食之味道感覺? 經此覺得, 有點迷惘, 食野係應該注重靚料多d, 定係醬料多d, 定係廚房中人必須出神入化? 但呢種自由配既style個人認為深受外藉顧客歡迎, 事實上當晚多半係外藉客.回想呢次撞岩某報出左折扣coupon(但折左都
最大特色, 自己揀食物, 自己混醬, 自己調味, 烹煮由廚房代勞. 半煮飯仔遊戲. 幾得意下, 但無乜好食, 主糧只有麵飯粉, 肉類只有豬牛羊, 好悶, 蔬菜瓜果來來去去都係好普通既生菜, 粟米, 蕃加, 甘荀, 紅白蘿蔔諸如此類, 食料幾乎可以在自己屋企廚房搵到. 反而佢廿幾樣醬汁佐料比較精彩, 除見到煮用既紹興酒, 鹽醋糖, 沙爹咖喱醬, 橄欖油, 各式甜酸苦辣配料, 其實至鐘意都係招牌蒙古醬, 但好可惜結果出唻既味道好普通, 混錯醬還可算數, 但曾經用好簡單醬料去配, 都唔覺好味, 食左十round, 唔覺有乜變化, 普通到無倫. 樂在其中, 係咪樂在自由配煮飯仔, 定係樂在食之味道感覺? 經此覺得, 有點迷惘, 食野係應該注重靚料多d, 定係醬料多d, 定係廚房中人必須出神入化? 但呢種自由配既style個人認為深受外藉顧客歡迎, 事實上當晚多半係外藉客.
回想呢次撞岩某報出左折扣coupon(但折左都要成舊水), 宣傳效應以為會好多人, 打電話book位穩陣d, 但電話中只有english speaking, book左後, 多口問佢有無人識講本地話, 佢話行開左. 之後隔左半日打去想改人數, 都係只識講英文. 不過咁, 如讀者即使唔想用英文去book位, 都無所謂, 因你walk in入去, peak hour都仲有好多位. 其實報紙大賣coupon都咁少人幫襯, 感到有d意外, 唔通真係唔好食? 招呼差? 原價要百五蚊一位太貴? 定或呢份月亮報其實唔多人睇?
從佢橫巷仔有個門口, 一入到去記住用英文, 蒙藉伙記識廣東話, 但整鬼你只會同你講英文, 知道佢地係蒙藉因八到佢地伙記之間曾經用蒙語講'唔係', 坐底後, 每人比隻有把牌仔, 等你有無乜特別野叫, 尤其係貴價特飲, 如唔叫, 無水比, 你要就主動叫佢, 然後, 自助餐開始, 袋住牌仔出去, 到食物bar揀野食, 先揀粉麵或飯, 然後揀蔬菜瓜果, 再揀肉類, 最後揀埋你鐘意既醬汁, 到最後連牌帶菜, 隊比廚房, 幫你煮, 到時你可番埋位等伙記拎比你食, 鑊仔上, 同時牌仔還番比你, 下一round同樣咁做. 另外, 佢另一邊食物bar有前菜餐湯甜品可享用, 有時覺得呢d仲好食.
服務方面, 當晚帶位伙記無講解成個流程, 真係好弊, 但食物bar上面有黑板寫住教你, 不過因環境昏黑, 唔易見到. 另外係香港, 感覺好怪, 多數有非華語服務員餐廳地方, 禮貌上都無本地伙記咁好. 例如放碟清理都幾粗下, 又例如知你唔係豪客, 埋單時面口點樣? 呢度都唔例外, 呢點上覺得所有有關餐廳都有需要改進.
Post
