面譜-京川料理 (Closed)

呢一間餐廳位於尖東，外面好獨特，好有京川風味。裏面嘅裝修亦都好別緻，有好多面譜掛咗係天花板，感覺好有特色。另外都坐得好舒服。不過呢度嘅食物我就覺得好一般，食評之前話一碟燈影牛肉好味，所以我就試吓。燈影牛肉原來係一塊好似牛肉乾既野加左好想超多超多嘅蜜糖，太痴牙，我唔鍾意。另外都叫咗麻婆豆腐，呢個味道幾好，有京川味，有花椒八角嘅香味。另外都叫咗黑醋松子魚，聽講係京川菜嘅招牌，味道ok. 魚都炸得香脆，不過真係好甜。食完之後就發現原來京川菜注重甜味多過辣味。