花月庭 (Closed)

同事大推花月庭自助午餐好食又抵食，於是我同細妹就滿懷期待咁去食自助餐慶祝生日，結果相當失望。1. 食物方面，選擇唔多之餘，味道中下。明明主題係滋味海鮮自助午餐，凍盤海鮮只有凍蝦、青口、蜆同墨魚仔，平價之餘仲要極腥唔新鮮。刺身款式又只得最平的款：三文魚、鯖魚、𩶘魚和仿鮑片，仲要每次都切好少。唯一回本位生蠔好細隻，也不太新鮮，但人龍超長，等好耐。熱食選擇唔算多，味道一般。甜品選擇比較多，味道也很普通。2. 環境方面，相當擠逼，裝修也偏舊。3. 服務方面，服務員不停收碟，但連我剛拎的生蠔問都無問就照收走😳排左勁耐隊又叫我出去自己拎過，咁嘅服務態度真係歎為觀止。而且不設生日offer, 很不適合慶祝活動。4. 總結而言，服務、食物、環境質素都只能勉強有三星酒店的水準。雖然唔貴（滙豐信用卡$316食兩個半鐘），但食完都唔似去左酒店食自助餐，完全唔推薦。