Video
Read full review
2021-07-29
8463 views
一早PLAN好左今日早上帶呀仔去整蛋糕👨🍳, 完成後到海底撈火鍋午餐。覺得今日既經歷好奇妙, 朝早整蛋糕既時候, 右手邊兩組客人講日文🇯🇵, 左手邊兩組客人講英文🇬🇧, 而黎到海底撈, 我唸起碼佔左9成以上既客人都係講國語🇨🇳, 令我覺得今日好似去左幾個唔同既地方旅行咁。想食鴛鴦鍋, 侍應教我地嗌四宮格 - 兩格湯底, 兩格清水🚰, 咁叫就最抵食。我地點左大骨湯底同蕃茄湯底 - 跟市面就可以買到的一包包海底撈火鍋底料味道好似, 味精重。食材方面, 覺得比較好的是桂花蚌同粟米🌽, 用料尚算新鮮, 桂花蚌爽口, 粟米清甜。而肉類方面, 全部我都覺得唔好食, 芝士牛肉丸同芋香貢丸好厚粉, 一D都唔彈牙。美國雪花和牛有羶味。撈派滑牛肉的確係唔韌, 但就似係比梳打粉醃到無曬口感既嗰種唔韌。另外, 仲嗌左響鈴卷 - 唔脆, 魚皮餃同烏冬 - 就係平時超市買到既貨色, 相信佢地都係現成買返黎。然後仲加左每人$15自選飲料, 我要左酸梅湯 - 普通, 甜味重, 九龍城方榮記的酸梅湯好飲太多。之後, 店員送左一碗蒸蛋🥚同一個豬豬包比我地, 蒸蛋完全無味, 絕對係一DD鹽或糖都無🙅🏻♀️加到落去。豬豬包
覺得今日既經歷好奇妙, 朝早整蛋糕既時候, 右手邊兩組客人講日文🇯🇵, 左手邊兩組客人講英文🇬🇧, 而黎到海底撈, 我唸起碼佔左9成以上既客人都係講國語🇨🇳, 令我覺得今日好似去左幾個唔同既地方旅行咁。
想食鴛鴦鍋, 侍應教我地嗌四宮格 - 兩格湯底, 兩格清水🚰, 咁叫就最抵食。
我地點左大骨湯底同蕃茄湯底 - 跟市面就可以買到的一包包海底撈火鍋底料味道好似, 味精重。
食材方面, 覺得比較好的是桂花蚌同粟米🌽, 用料尚算新鮮, 桂花蚌爽口, 粟米清甜。
而肉類方面, 全部我都覺得唔好食, 芝士牛肉丸同芋香貢丸好厚粉, 一D都唔彈牙。美國雪花和牛有羶味。撈派滑牛肉的確係唔韌, 但就似係比梳打粉醃到無曬口感既嗰種唔韌。
另外, 仲嗌左響鈴卷 - 唔脆, 魚皮餃同烏冬 - 就係平時超市買到既貨色, 相信佢地都係現成買返黎。
然後仲加左每人$15自選飲料, 我要左酸梅湯 - 普通, 甜味重, 九龍城方榮記的酸梅湯好飲太多。
之後, 店員送左一碗蒸蛋🥚同一個豬豬包比我地, 蒸蛋完全無味, 絕對係一DD鹽或糖都無🙅🏻♀️加到落去。豬豬包似一件裝飾多過食物, 應該擺左好耐, 層皮好乾硬。
總結對海底撈火鍋的評價, 跟我近期最愛的火鍋隨意門比較, 裝修方面, 火鍋隨意門比較靚, 加上當日我地兩個人坐六人座位當然舒適, 海底撈就3個人坐四人卡位也不錯。服務方面, 不相伯仲, 好多食評都讚海底撈的服務, 但我並沒有覺得特別好, 宜家好多香港小店的服務也很親切, 我想是因為海底撈會送一些免費🆓的小禮物給客人吧。但其實一間餐廳最重要的還是食物(只要服務不是太差), 食物才是客人會回頭的最主要因素。可惜海底撈火鍋的食物質素實在太強差人意。
Post
