Vibes the place (Closed)

全店木色裝修配上樟木餐桌層架、西式仿火爐、柔和燈光，充滿家嘅溫馨感覺😊聽講店主太太喺心靈治療師，所以開咗呢間心靈小店除咗提供純素生酮食物，仲可以體驗頌缽 。餐點款式唔算多，叫左個Focapattio 🍔全素Burger ~用亞麻籽製成嘅麵包，夾住特製嘅「impossible meat」，再加入秘製醬汁，咬落都幾juicy嫩滑。無論味道同口感都好似牛肉漢堡，呃到人之餘仲幾好味，真心有驚喜！沙律配菜味道酸酸甜甜，都幾開胃，可惜當日餐廳無曬伴碟嘅素脆片，無得試。。。另叫咗個tea set，包一杯奇亞籽布甸同一款蛋糕。奇亞籽布甸很重藍莓同椰香奶味，加上奇亞籽，口感有d似食西米布甸，味道唔錯，而且仲幾飽肚。抹茶蛋糕嘅口感扎實，無一般嘅mousse cake咁幼滑。蛋糕雖然帶有抹茶嘅苦味，但仲帶咸咸嘅味道，感覺怪怪地😅飲品就點咗杯Rose Beetroot Latte同Latte。Rose Beetroot Latte係無咖啡因嘅，玫瑰粉紅色超吸睛，飲落有少少紅菜頭味，小妹不好紅菜頭但還可接受，不過玫瑰味就欠奉啦😶好似呢度嘅茶比較出名，有d後悔無叫到茶試最後，好耐無食過Tiramisu 嘅關係決定