Video
Read full review
2016-07-06
885 views
今日係附近整完野, 因為想飲咖啡, 所以即上OPENRICE SEARCH 下有咩好推介先, 眼見哩間係排係觀塘區既 TOP 1, 就楝佢啦!原來佢係個個商場都有好多野食, 我見到對面有間食BURGER, 下次有機會要去TRY TRY! 去到差唔到兩點, 係人地收工食飯既時間, 所以到要等左一陣先有位!我見餐牌有"意大利雜菌雲吞" 點知落ORDER 時話已經賣晒, 咁我地唯有叫左"蒜香蜆肉意粉"+"all day breakfast"+雞亦+蝦餅, 飲品叫左: Mocha+Sea Salt Caramel Latte, 係自己出去落 ORDER, 俾左錢, 然後坐底, 佢會送過黎俾你!首先黎既係 all day breakfast, 麵包可以楝芝麻醬/蜜糖, 因為另一個餐有芝麻醬麵包, 所以哩個楝左蜜糖, 個麵包烤得可以, 蜜糖冇特別, 好求其"PAT" 落塊麵包度冇幫你塗, 所以啲蜜糖流晒落啲蛋度, 到食蛋時, 好似食緊甜蛋咁 , 沙律配芝麻醬, 啲菜都算新鮮爽口, 兩條腸係普通香草腸, 雞蛋都算炒得滑, 係加左牛奶落去炒, 雜菇又係一般野...總括黎講, 碟野係好普通!再黎係老公碟
原來佢係個個商場都有好多野食, 我見到對面有間食BURGER, 下次有機會要去TRY TRY! 去到差唔到兩點, 係人地收工食飯既時間, 所以到要等左一陣先有位!
我見餐牌有"意大利雜菌雲吞" 點知落ORDER 時話已經賣晒, 咁我地唯有叫左"蒜香蜆肉意粉"+"all day breakfast"+雞亦+蝦餅, 飲品叫左: Mocha+Sea Salt Caramel Latte, 係自己出去落 ORDER, 俾左錢, 然後坐底, 佢會送過黎俾你!
首先黎既係 all day breakfast, 麵包可以楝芝麻醬/蜜糖, 因為另一個餐有芝麻醬麵包, 所以哩個楝左蜜糖, 個麵包烤得可以, 蜜糖冇特別, 好求其"PAT" 落塊麵包度冇幫你塗, 所以啲蜜糖流晒落啲蛋度, 到食蛋時, 好似食緊甜蛋咁 , 沙律配芝麻醬, 啲菜都算新鮮爽口, 兩條腸係普通香草腸, 雞蛋都算炒得滑, 係加左牛奶落去炒, 雜菇又係一般野...總括黎講, 碟野係好普通!
再黎係老公碟蒜香蜆肉炒意粉, 聞到好香蒜香味, 食落有少少辣唔錯, 但係啲蜆肉真係少到呢......少都唔緊要, 但係真係細粒到, 我問老公點解你碟粉冇蜆肉既?
真係唔望真都睇唔到.
跟餐可以加錢要蝦餅同雞亦, 蝦餅一黎到我對佢既期望不大, 食落.......唔彈牙, 冇蝦味
3 隻雞亦, 唔知點解有隻特別細隻, 咁奇怪? 得表面有味, 入面醃唔夠味
MOCHA, 首先講個拉花先, 一D 都呃唔到LIKE, 唔緊要, 最緊要有內涵, 可惜........又係失望, 完全冇朱古力味, 咖啡味又唔掂, 老公一飲就已經知道佢落既奶唔夠熱, 所以個拉花會好快冇 (因為我地平時有去開荃灣一間飲咖啡, 個度可以自已玩拉花)...點知真係飲左兩啖, 個花已經冇晒!
我哩杯Sea Salt Caramel Latte, 個賣相仲差過杯MOCHA, 點解會叫, 係因為我地等位時, 見到一個應該成日黎幫襯既人(佢同老闆娘好好傾), 佢都點哩個, 我唸應該唔差, 所以緊住佢點....點知...唉.....LATTE 冇左朱古力味蓋過, 應該會比較容易飲到咖啡味, 可惜又係冇, LATTE 係奶比較多, 可惜飲落去冇奶味, 又唔香, 又唔滑....結果兩杯咖啡我地只係飲左一半就冇要啦..(從未試過一杯咖啡係飲唔晒)
Post
