Video
Read full review
2019-05-16
225 views
LUNCH TIME周不時會行過，見到佢個LUNCH MENU都幾抵食但係都冇咩機會食，所以決定夜晚去食試一試佢!兩個人點左六樣野，逐樣評價：咕嚕肉： 酸味唔突出，成舊咕嚕肉炸到好硬，感覺唔到食緊一舊肉，唔知係肉定炸粉咁硬！冇牙力嘅朋友千其唔好叫！我係咕嚕肉fans，中餐廳有咕嚕肉就一定會嗌，而呢間真係遠低於酒樓茶記水準。差！！！！酸辣湯：好多酸辣湯都係酸而不辣，但係佢就辣而不酸，唯有加醋調味。不過勝在配料多，算係足料。上海排骨菜飯：菜飯係上海野既特色，呢碟真係極品！碟飯一睇就覺得唔對路，我未見過咁樣既菜飯：白飯炒菜碎+雲腿。所有野都係後期加埋一齊倒落炒一炒，完全冇菜同飯融合一體既感覺！排骨唔似新鮮炸，似一早炸定擺係到，有人叫就叮熱比你咁，個皮口感似麥樂雞。失望！！！小籠包: 皮薄多湯確實唔錯，美中不足就係湯味唔濃糖醋小排骨: 放喺冷盤系列以為係凍食，點知係熱嘅。小排骨炆得好入味，骨肉一咬就分離 。不過有啲小排骨骨多過肉冇野食。紅棗心太軟：總共有九粒，而且每一粒都係大大粒，食落好滿足。落單冇叫佢遲啲上，侍應都識得打單"等叫起"，讚。但最後都係自己冇啦啦起左XDD 紅棗配桂花蜜味道好襯！
兩個人點左六樣野，逐樣評價：
咕嚕肉： 酸味唔突出，成舊咕嚕肉炸到好硬，感覺唔到食緊一舊肉，唔知係肉定炸粉咁硬！冇牙力嘅朋友千其唔好叫！我係咕嚕肉fans，中餐廳有咕嚕肉就一定會嗌，而呢間真係遠低於酒樓茶記水準。差！！！！
酸辣湯：好多酸辣湯都係酸而不辣，但係佢就辣而不酸，唯有加醋調味。不過勝在配料多，算係足料。
上海排骨菜飯：菜飯係上海野既特色，呢碟真係極品！碟飯一睇就覺得唔對路，我未見過咁樣既菜飯：白飯炒菜碎+雲腿。所有野都係後期加埋一齊倒落炒一炒，完全冇菜同飯融合一體既感覺！排骨唔似新鮮炸，似一早炸定擺係到，有人叫就叮熱比你咁，個皮口感似麥樂雞。失望！！！
小籠包: 皮薄多湯確實唔錯，美中不足就係湯味唔濃
糖醋小排骨: 放喺冷盤系列以為係凍食，點知係熱嘅。小排骨炆得好入味，骨肉一咬就分離 。不過有啲小排骨骨多過肉冇野食。
紅棗心太軟：總共有九粒，而且每一粒都係大大粒，食落好滿足。落單冇叫佢遲啲上，侍應都識得打單"等叫起"，讚。但最後都係自己冇啦啦起左XDD 紅棗配桂花蜜味道好襯！
總結：唔會再食，亦都唔會推介比任何人食。上海菜劣食之選，太元樓當之無愧！
Post
