Video
Read full review
2008-11-04
33 views
因為見佢喺網上個 promote 樣幾有趣，而且仲有幾款味道咁精緻認真，我哋就決定入去試吓，今晚呢餐我哋叫咗： Mini Trio 迷你漢堡包三重奏：包括牛肉、火雞、蟹餅三款。最好味都仲係牛肉，肉身好厚呈粉紅色半熟狀態啱啱好，一啖咬落去肉汁四溢，滋味無窮！入面啲青瓜又酸又甜，越食越想食，車打芝士溶喺牛肉上面，同肉汁打成一片，真係好味！火雞 mini 冇想像中咁嚡咁硬，亦比想像中濃味，配埋蕃茄片唔錯！蟹餅係第一個放入口嘅，可以食到好豐富嘅蟹肉，唔似炸過但係又唔會散開，同場有新鮮蕃茄片同生菜，可以一清味蕾，入面嘅醬汁亦配搭一流！ 呢個 mini 一次過滿足晒三個願望，三個唔同嘅包入面料唔同，醬汁都唔同，真係好有心思同埋心機！點可以唔嚟 encore！伴碟嘅薯條亦毫不馬虎，炸得金黃脆口，入面仲軟稔稔，熱辣辣，點唔點蕃茄醬都得啦！ Nachos 芝士辣肉醬焗玉米片：玉米片勁香脆，配上濃濃既半溶芝士，肉醬、酸咪咪嘅sour cream，鍾意芝士同味濃嘅我哋根本冇法抵受咁大嘅誘惑，唔覺意食咗大半先驚覺停低影番張相再繼續，實在真係太好食嘞！ Caesar Salad with sautéed shr
因為見佢喺網上個 promote 樣幾有趣，而且仲有幾款味道咁精緻認真，我哋就決定入去試吓，今晚呢餐我哋叫咗：
Mini Trio 迷你漢堡包三重奏：包括牛肉、火雞、蟹餅三款。最好味都仲係牛肉，肉身好厚呈粉紅色半熟狀態啱啱好，一啖咬落去肉汁四溢，滋味無窮！入面啲青瓜又酸又甜，越食越想食，車打芝士溶喺牛肉上面，同肉汁打成一片，真係好味！火雞 mini 冇想像中咁嚡咁硬，亦比想像中濃味，配埋蕃茄片唔錯！蟹餅係第一個放入口嘅，可以食到好豐富嘅蟹肉，唔似炸過但係又唔會散開，同場有新鮮蕃茄片同生菜，可以一清味蕾，入面嘅醬汁亦配搭一流！ 呢個 mini 一次過滿足晒三個願望，三個唔同嘅包入面料唔同，醬汁都唔同，真係好有心思同埋心機！點可以唔嚟 encore！伴碟嘅薯條亦毫不馬虎，炸得金黃脆口，入面仲軟稔稔，熱辣辣，點唔點蕃茄醬都得啦！
Nachos 芝士辣肉醬焗玉米片：玉米片勁香脆，配上濃濃既半溶芝士，肉醬、酸咪咪嘅sour cream，鍾意芝士同味濃嘅我哋根本冇法抵受咁大嘅誘惑，唔覺意食咗大半先驚覺停低影番張相再繼續，實在真係太好食嘞！
Caesar Salad with sautéed shrimp 蝦凱撒沙律：水準都仲係保持得好好，選菜新鮮，碟入面冇水份留低，入口爽脆，一份有六隻蝦仔，又爽又彈又鮮味，沙律汁亦夠晒醒胃，parmesan cheese 就好濃好好味，配埋香脆嘅多士粒，整體上冇得彈，再一次搞到我哋食咗一半先記得未影相！
因為夜嚟所以唔駛排隊而且可以唔慢慢食，侍應唔會急住返枱，幾悠閒，下次都會再去！
Post
