Video
Read full review
2021-09-12
677 views
相比中環Soho區嘅大型酒吧餐廳，微醺雖然不大，但勝在氣氛夠chill同cozy，更適合三五知己，或者閨蜜談心嘅餐廳，馬上去睇吓食咗咩◭ 帕馬火腿，無花果，自家製蜜瓜果凍，田園沙律，西柚蜜糖汁店員好細心解釋要先食帕馬火腿，因為火腿中嘅油脂，更能帶出無花果清甜嘅味道。西柚蜜糖汁配田園沙律，味道清新，能夠平衡返較重香醇味嘅帕馬火腿🤩◭ 半熟呑拿魚春卷-他他醬外脆內嫩的呑拿魚肉春卷，用嚟佐酒一流😉◭ 微醺拼盤（魷魚圈，酥炸杏飽菇，鳳尾蝦，自家製黑松露芝士粉）呢個拼盤有個shake shake紙袋，方便將炸物連黑松露芝士粉mix埋一齊。黑松露味道香濃，能提升整個炸物嘅味道。◭ 虎蝦米多龍蝦汁扁意粉廚師會將大過手掌嘅虎蝦剝肉，切粒後加埋芝士去焗，粒粒蝦肉食得方便，仲好惹味。龍蝦汁扁意粉嘅味道相對比較清淡，可以伴埋蝦肉一齊食，味道會再好一啲。◭ Cocktail 「Eye La」「泥煤味」Islay Whisky, 混合巨峰提子汁和藍莓果蓉，烈酒中帶點甜嘅味道，比普通「泥媒味」whisky多咗個層次，值得推介俾喜歡飲「泥媒味」whisky嘅朋友👍🏻◭ Mocktail 「Got Juice」用一隻
◭ 帕馬火腿，無花果，自家製蜜瓜果凍，田園沙律，西柚蜜糖汁
店員好細心解釋要先食帕馬火腿，因為火腿中嘅油脂，更能帶出無花果清甜嘅味道。西柚蜜糖汁配田園沙律，味道清新，能夠平衡返較重香醇味嘅帕馬火腿🤩
◭ 半熟呑拿魚春卷-他他醬
外脆內嫩的呑拿魚肉春卷，用嚟佐酒一流😉
◭ 微醺拼盤（魷魚圈，酥炸杏飽菇，鳳尾蝦，自家製黑松露芝士粉）
呢個拼盤有個shake shake紙袋，方便將炸物連黑松露芝士粉mix埋一齊。黑松露味道香濃，能提升整個炸物嘅味道。
◭ 虎蝦米多龍蝦汁扁意粉
廚師會將大過手掌嘅虎蝦剝肉，切粒後加埋芝士去焗，粒粒蝦肉食得方便，仲好惹味。龍蝦汁扁意粉嘅味道相對比較清淡，可以伴埋蝦肉一齊食，味道會再好一啲。
◭ Cocktail 「Eye La」
「泥煤味」Islay Whisky, 混合巨峰提子汁和藍莓果蓉，烈酒中帶點甜嘅味道，比普通「泥媒味」whisky多咗個層次，值得推介俾喜歡飲「泥媒味」whisky嘅朋友👍🏻
◭ Mocktail 「Got Juice」
用一隻粉紅天鵝杯，好趣緻🤣
味道比較重椰子味，仲帶微微菠蘿加橙香
唔飲酒嘅朋友可以揀Mocktail
餐廳嘅bartender Turbo服務細心，除介紹食物外，仲會主動和客人傾計。今次Turbo就解釋咗唔同區域嘅Whisky產地，會有咩特質，味道又會有咩唔同。食完呢餐飯後，對Whisky嘅了解又再知多啲。下次要嚟試埋其他產地嘅Whisky先，cheers！
Post
