Video
Read full review
2017-02-03
2821 views
話說我屋企人不時都同朋友去食的，所以今次帶我地去品嚐一下. 說實話，佢既清湯牛腩煲的確係好食，定價合理，而且足料. 但佢既火鍋料就麻麻地的（店員自己講的）. 然後問題就發生了. 亦係我忍唔住必須要打呢篇食評既原因，評不止是食物，亦是評公道和合理. 因為屋企人不時幫襯，所以知道常客熟客都係會叫一個牛腩煲，然後到旁邊不同其他店叫火鍋料及小菜. 一直以為街坊生意，有人情味唔會更更計較喎. 真係難得. 加上坐低時，已見到旁邊一台10人咁，型到係環保手抽袋到拎自己私伙既湯煲出黎，再加入一d似係蛇肉既野煲（8成似），就以為呢家店真係好，同食客街坊打成一片咁. 我地除左叫左個清湯牛腩煲外，都當然同旁邊其他既店點左一碟招牌好食既手打丸啦（堅好食）. 食到最後，有個亞姐突然行過黎，話咩咩咩唔係點佢個三寶丸打邊爐，要收咩額外收費喎. 我地當堂打左個突，我話，下？！個清湯牛腩煲係你架喎，個爐係用黎煲住個清湯牛腩鍋架嘛，無論係唔係用黎打邊爐都係煲住架. 佢竟然答，煲住個牛腩煲會用到d gas架嘛. （我諗佢自己講完都唔知自己講咩）我就火都黎一黎，不過我屋企人禁住我. 我心諗個鍋係妳既，爐又係妳比既，火又係妳點
說實話，佢既清湯牛腩煲的確係好食，定價合理，而且足料. 但佢既火鍋料就麻麻地的（店員自己講的）.
然後問題就發生了. 亦係我忍唔住必須要打呢篇食評既原因，評不止是食物，亦是評公道和合理.
因為屋企人不時幫襯，所以知道常客熟客都係會叫一個牛腩煲，然後到旁邊不同其他店叫火鍋料及小菜. 一直以為街坊生意，有人情味唔會更更計較喎. 真係難得. 加上坐低時，已見到旁邊一台10人咁，型到係環保手抽袋到拎自己私伙既湯煲出黎，再加入一d似係蛇肉既野煲（8成似），就以為呢家店真係好，同食客街坊打成一片咁.
我地除左叫左個清湯牛腩煲外，都當然同旁邊其他既店點左一碟招牌好食既手打丸啦（堅好食）.
食到最後，有個亞姐突然行過黎，話咩咩咩唔係點佢個三寶丸打邊爐，要收咩額外收費喎. 我地當堂打左個突，我話，下？！個清湯牛腩煲係你架喎，個爐係用黎煲住個清湯牛腩鍋架嘛，無論係唔係用黎打邊爐都係煲住架.
佢竟然答，煲住個牛腩煲會用到d gas架嘛. （我諗佢自己講完都唔知自己講咩）我就火都黎一黎，不過我屋企人禁住我.
我心諗個鍋係妳既，爐又係妳比既，火又係妳點既. 不停煲住個鍋，即使我落唔落野去都一樣係用咁多gas架啦. 除非妳有限時！我係食咁耐就係咁耐架啦！我仲係調中火去熱住，其他台用大火燒到個鍋穿咁滯既. 宜家即係對人唔對事呀？煲住我地order既牛腩鍋就係浪費左妳d gas. 其他人就係叫用得其所？咩定義呢？睇心情呀？睇妳面色呀？
最後我地都話，如果佢咁樣夾硬收的話，以後唔會再去幫襯. 因為實在太唔公道同合理，我更懷疑佢係見我地似係外來人唔係街坊，想搵我地著數.
最後屋企人埋單，我見我屋企人同佢嘈緊幾句，我行埋去問咩事，個阿姐同我對左半秒眼即刻逃避我眼神仲好閃縮咁. 我諗妳唔係心虛到咁明顯呀嘛. 原來我屋企人話，佢收左我地50蚊gas費用. 真係有冇攪錯！
一支gas用中火可以打幾耐邊爐呀！係一定可以超過最少1個鐘以上！ 一支gas散買知唔知幾錢呀？係10幾蚊！收我地50蚊？ 合唔合理呀？ 做人公唔公道呢？ 我絕對質疑該店既誠信同誠實. 人地係到煲蛇更，又唔見行埋去同人講要額外收費？ 其他食客都有叫其他店既火鍋料丫，又唔去同人講要收gas錢？ 而且亦冇寫到任何紙或告示的.
做人既野，妳今日夾硬濫收我呢少少錢，雖然個清湯牛腩鍋係好食，但氣就係吞唔落，唔係黎食野仲要夾硬比人搵d咁夾硬既借口黎禁錢呀嘛.
食物做得好係抵讚，但人亦需要立品，否則再好食都只係飽得一肚怨氣. 食不樂也，不食也罷！
清湯牛腩鍋
102 views
0 likes
0 comments
Post
