Video
Read full review
2009-10-20
62 views
由於維園有活動,囝囝又想去,就係附近搵野食.其實此舖真係佔盡地利,就近維園,門前巴士站,左邊又有天后地鐡站口,如果可以好好經營,應該有一番作為,可惜部份食品只能用慘不忍睹形容.店是自助形式,先買票,再水吧取食品,清水在店另一角自便.午飯套餐 : 選取海鮮蒸蛋及青瓜炒肉片, 同一般飯堂做法,一個托盤分三格,兩菜跟飯整整齊齊,仲有一碗老黃瓜豬骨湯,呻一口湯,黃瓜煲至溶化,加上熱辣辣,唔覺有味精,幾好.青瓜肉片微溫,肉片爽脆,青瓜雖然有點微黃,但不覺"臭青"味,蒸蛋滑溜,所謂海鮮不外乎少許魷魚絲跟蟹柳絲,火喉掌握得好,比好多餐廳出色.雞扎 : 真係少見咁差,半截香腸,芋頭大大舊,單係呢兩樣都唔知做乜.蝦腸 : 可以話我食過最差頭三位,由於唔係即叫即蒸,整好就一概放入蒸櫃,粉厚又鞋,蒸得太耐,d粉霉,一挾就散,蝦肉又係霉,無味,豉油死咸,嘩,咬一啖真係想喊.生炒糯米飯 : 三個點心中最好係呢個,糯米粒顆分明,唔太油,咬一口,米粒帶點柔韌,水準之作.比個喊佢係因為叫得點心皇,仲要用"皇"字,反而點心係最差,之前係佐敦(已經結業)食過都唔係咁.
其實此舖真係佔盡地利,就近維園,門前巴士站,左邊又有天后地鐡站口,如果可以好好經營,應該有一番作為,可惜部份食品只能用慘不忍睹形容.
店是自助形式,先買票,再水吧取食品,清水在店另一角自便.
午飯套餐 : 選取海鮮蒸蛋及青瓜炒肉片, 同一般飯堂做法,一個托盤分三格,兩菜跟飯整整齊齊,仲有一碗老黃瓜豬骨湯,呻一口湯,黃瓜煲至溶化,加上熱辣辣,唔覺有味精,幾好.青瓜肉片微溫,肉片爽脆,青瓜雖然有點微黃,但不覺"臭青"味,蒸蛋滑溜,所謂海鮮不外乎少許魷魚絲跟蟹柳絲,火喉掌握得好,比好多餐廳出色.
雞扎 : 真係少見咁差,半截香腸,芋頭大大舊,單係呢兩樣都唔知做乜.
蝦腸 : 可以話我食過最差頭三位,由於唔係即叫即蒸,整好就一概放入蒸櫃,粉厚又鞋,蒸得太耐,d粉霉,一挾就散,蝦肉又係霉,無味,豉油死咸,嘩,咬一啖真係想喊.
生炒糯米飯 : 三個點心中最好係呢個,糯米粒顆分明,唔太油,咬一口,米粒帶點柔韌,水準之作.
比個喊佢係因為叫得點心皇,仲要用"皇"字,反而點心係最差,之前係佐敦(已經結業)食過都唔係咁.
Post
