花香 (Closed)

又係相機先食系列！呢度係充滿少女風嘅台式餐廳！之前去過佢姐妹店鳥語，今次到花香！我哋叫咗滷肉熔岩飯、鮮奶麻糬蛋捲，柚子雞翼，薑汁牛奶同水泥咖啡。鮮奶麻糬蛋餅朋友話唔鐘意，個黑糖太甜，唔點又冇味，蛋餅比較韌，三樣嘢夾埋唔到一齊，分開食又無特別。呢滷肉熔岩飯，得個蛋係好食，個滷肉好碎，其實只係可以撈飯食，啲飯又硬硬地。柚子雞翼正常！不過都無驚喜。呢杯無乜薑味同無乜調味嘅牛奶，要幾十蚊一杯，我去茶記飲杯奶可能仲好飲！整體味道就不過不失，除咗裝修同食物賣相其他唔好期望太多。