Izumi Curry (Closed)

今日午餐去咗試下 , 門口冇侍應帶位 , 心諗可能午餐時間忙 , 等咗一陣終於見到一位侍應 , 佢叫我行入去 , 之後佢自己走咗 , 我完全唔知佢想安排我坐邊 , 我只有等佢返轉頭問佢安排我坐邊, 佢至帶我去, 原來佢以為有人帶我 唔知侍應做咩呢 , 我眼見有三位侍應在場 , 有兩位真係好驚嚇 , 粗聲粗氣 , 仲要手舉到軟都好似睇唔到咁, 到你叫都要叫幾次至望下你 , 送餐時仲好大力下...我見佢地對每枱都係咁... 得一位係正常有笑容食物選擇唔多 , 我點咗個炸蝦漢堡扒飯 + 橙汁 ... 等咗近廿分鐘食物到 , 睇個樣都幾靚 , 滿心歡喜咁開始食 , 點知...中哂伏...件漢堡扒用叉一界時...D油真係多到我眼都大埋 , 仲要係冇味...上面D芝士又已凝固最慘係隻蝦 , 陣油味我食完幾個小時喉嚨都係怪怪一陣油味...之後阿蛋哥同鴨仔都喺同一位置開過 , 真係唔差, 點解今次會咁其實收一百三十幾蚊一個午餐 , 係未應該俾少少心機去煮俾客人食...起碼唔好油到嚇死人, 仲要陣油味食完一直KEEP住在喉嚨 , 飲好多水都仲有丫...真係好差