Video
Read full review
2019-01-14
346 views
見到呢一間南昌冰室，隔兩個鋪位竟然又開多間新分店，印象中啱啱開嗰陣食過一次，而質素都唔差，今次就試下佢嘅下午茶餐。呢一間冰室入面都比較full，兩個人去食都一定要搭枱，今次就嗌咗兩個套餐同男朋友share食。點完餐之後搭枱嘅兩個女人不停咁投訴佢哋乾炒牛河凍，而且瑞士汁炒乾炒牛河冇瑞士汁味，我睇落去都覺得冇乜嘢，果兩個女人走咗之後我同男朋友討論，仲覺得：呀⋯呢兩個女人要求都幾高。豬扒炒公仔麵 上到枱見到個豬扒炒公仔麵出晒煙，直覺熱辣辣應該幾好食，擺落個口度，下，凍㗎？扒多兩啖，真係凍㗎。我同男朋友簡直唔敢相信自己嘅味蕾同視覺咁大分別，亦都明白嗰兩個女人唔係要求高，而係真係唔夠熱。其實食落去味道都唔差，但係炒公仔麵唔夠熱同鑊氣真係一個大問題，好失望。咖映西多士 雖然冇乜咖映味 但係炸得都算唔錯 唔會揸得太乾身，仲保持到麵包嘅質感，外脆內軟。食落去脆口，而且炸得幾香，都唔錯。總括嚟講個豬扒炒公仔麵，竟然係凍，其實真係令人失望，我都好懷疑佢已經炒定晒所有嘅炒粉麵，然後當客人叫嘅時候，再落鑊炒熱佢，因為好明顯佢炒麵中間係凍，外面係熱嘅。作為一間餐廳唔應該咁做嘅，應該即叫即炒，所以都好失望，但整體
呢一間冰室入面都比較full，兩個人去食都一定要搭枱，今次就嗌咗兩個套餐同男朋友share食。
點完餐之後搭枱嘅兩個女人不停咁投訴佢哋乾炒牛河凍，而且瑞士汁炒乾炒牛河冇瑞士汁味，我睇落去都覺得冇乜嘢，果兩個女人走咗之後我同男朋友討論，仲覺得：呀⋯呢兩個女人要求都幾高。
豬扒炒公仔麵 上到枱見到個豬扒炒公仔麵出晒煙，直覺熱辣辣應該幾好食，擺落個口度，下，凍㗎？扒多兩啖，真係凍㗎。我同男朋友簡直唔敢相信自己嘅味蕾同視覺咁大分別，亦都明白嗰兩個女人唔係要求高，而係真係唔夠熱。其實食落去味道都唔差，但係炒公仔麵唔夠熱同鑊氣真係一個大問題，好失望。
咖映西多士 雖然冇乜咖映味 但係炸得都算唔錯 唔會揸得太乾身，仲保持到麵包嘅質感，外脆內軟。食落去脆口，而且炸得幾香，都唔錯。
總括嚟講個豬扒炒公仔麵，竟然係凍，其實真係令人失望，我都好懷疑佢已經炒定晒所有嘅炒粉麵，然後當客人叫嘅時候，再落鑊炒熱佢，因為好明顯佢炒麵中間係凍，外面係熱嘅。
作為一間餐廳唔應該咁做嘅，應該即叫即炒，所以都好失望，但整體味道都係合格，所以都比返佢有OK嘅評分，希望開咗新分店情況有所改善。
Post
