Green Tech Cafe (Closed)

好耐冇上黎打食評，忍唔住。上星期同朋友去西環睇日落之前想飲杯野傾下計，經過見到呢間Green Tech Cafe諗住叫得Cafe的話野飲應該唔會差得去邊。叫了幾個小食同野飲，小食都叫可以。但杯凍奶茶。。。難飲到朋友飲左兩啖就停口，同飲奶水無分別，朋友話好似飲緊淡奶糖水。咖啡味道亦都一般，奶味厚，如果飲開咖啡的朋友一飲就知龍與鳳。最後我杯綠茶奶。。。一飲就知道用綠茶粉倒奶落去沖，第一啖巳見到一舊舊未溶的茶粉點飲落口，自己屋企沖仲好過佢，最後我地無飲完就走人，叫自己做Cafe真係令人失望，奶茶咁基本都可以沖到咁難飲。