Video
Read full review
2023-10-07
123 views
雖然踏入10月，但係天氣都仲係KEEP住熱辣辣，最爽莫過於吹住冷氣食辣野～熊貓小雲吞主打細細粒手工小雲吞、涼皮同麵食等等，叫返個外賣返屋企慢慢嘆先‼️招牌一口豚肉雲吞嚟得熊貓小雲吞，緊係要食埋佢哋嘅雲吞啦～一啖一粒嘅雲吞浮喺湯上面好可愛，我叫咗雙拼口味，分別係韭菜同高麗菜味。雲吞皮好薄，入面嘅鮮肉餡透皮可見，粒粒都溢滿汁水，熱湯夾雜住油脂嘅香氣，好味直接連湯都飲埋，食完成碗成個胃都暖晒😋芝麻手撕雞一碟都幾多份量，雞肉呈現油光油光狀態，所以一啲都唔會乾仲好嫩滑✨另外成隻雞都醃製得好入味，但同時唔會太鹹調味剛剛好！雞皮爽脆肉質嫩滑，咸香味滲透晒入雞肉同雞皮入面，雞油伴隨住獨特嘅芝麻香氣，直接品嚐到最原汁原味嘅味道！招牌手工涼皮一碗涼皮入面有齊脆豆同青瓜嘅清脆爽口、涼皮嘅筋度韌性，辣油嘅香氣，一碗手工涼皮涼皮就此生成～涼皮口感Q彈爽滑，細膩入味，每啖都感受到嗰種獨特嘅嚼勁，撈完塊塊涼皮都被染成紅色，雖然每一片都掛滿曬紅油，望落以為好辣，實際唔會，更多嘅係紅油嘅香味 (因為我叫咗小辣)QQ水晶拉皮水晶拉皮呈透明有彈性，質感非常Q彈但唔會斷，由水晶拉皮嘅製作，到料汁嘅調配都好出色～熊貓涼粉打風前天
雖然踏入10月，但係天氣都仲係KEEP住熱辣辣，最爽莫過於吹住冷氣食辣野～熊貓小雲吞主打細細粒手工小雲吞、涼皮同麵食等等，叫返個外賣返屋企慢慢嘆先‼️
招牌一口豚肉雲吞嚟得熊貓小雲吞，緊係要食埋佢哋嘅雲吞啦～一啖一粒嘅雲吞浮喺湯上面好可愛，我叫咗雙拼口味，分別係韭菜同高麗菜味。雲吞皮好薄，入面嘅鮮肉餡透皮可見，粒粒都溢滿汁水，熱湯夾雜住油脂嘅香氣，好味直接連湯都飲埋，食完成碗成個胃都暖晒😋
芝麻手撕雞一碟都幾多份量，雞肉呈現油光油光狀態，所以一啲都唔會乾仲好嫩滑✨另外成隻雞都醃製得好入味，但同時唔會太鹹調味剛剛好！雞皮爽脆肉質嫩滑，咸香味滲透晒入雞肉同雞皮入面，雞油伴隨住獨特嘅芝麻香氣，直接品嚐到最原汁原味嘅味道！
招牌手工涼皮一碗涼皮入面有齊脆豆同青瓜嘅清脆爽口、涼皮嘅筋度韌性，辣油嘅香氣，一碗手工涼皮涼皮就此生成～涼皮口感Q彈爽滑，細膩入味，每啖都感受到嗰種獨特嘅嚼勁，撈完塊塊涼皮都被染成紅色，雖然每一片都掛滿曬紅油，望落以為好辣，實際唔會，更多嘅係紅油嘅香味 (因為我叫咗小辣)
QQ水晶拉皮水晶拉皮呈透明有彈性，質感非常Q彈但唔會斷，由水晶拉皮嘅製作，到料汁嘅調配都好出色～
熊貓涼粉打風前天氣又濕又熱又焗，叫返個口感Q彈嘅熊貓涼粉就最好，加入黑糖食用，暑氣全消！
氮氣飲品系列叫咗兩款啖氣茶，分別係青蘋果茶同香桃茶，清新解渴💁
同場仲有不同自家醬料可供選購，如雞煲醬、麻辣醬、雞煲辣醬等，我就揀咗樽辣椒油，平時食麵煮菜落幾滴落去，即刻生色不少✔️
Post
