波仔

Open Now

Now Closed

叮叮食物一向係方便之選，最出名嘅波仔我10年前已經食過，知道佢地即使叮叮都可以好食唔頹🤭 近排見佢地荃灣開左新店，環境好闊落，除咗叮叮食品之外仲有野飲熟食老火湯等，越黎越多元化👍🏻 入去行個轉就掃左幾樣野番黎啦🤣先講幾款叮叮飯麵，今次同朋友試左店員推介嘅乾炒牛河，叮完全唔似係叮叮食物，唔會太乾，味道同茶餐廳有得揮😋 另外仲有黑松路磨菇意粉，黑松露味唔算太濃，但勝在好多醬汁，個意粉叮完好入味，亦唔會話太淋。不過最驚喜嘅係芝士泡菜雞粒炒飯，韓式風味，叮完竟然真係有拉絲芝士，好高質！除咗叮叮食品，我仲試埋佢地嘅老火湯，味道好香濃但唔會死咸，入面好多湯渣非常足料！臨走前見到熟食檔仲叫左塊炸雞扒同乳酸飲品🥤全部正常發揮價錢公道，實在值得一訪！