炑八韓烤 (Closed)

19/5/2016 今日放假想搵間餐廳食吓唔想又茶餐廳，由於家住荃灣又冇出街關係，去Openrice search吓附近有咩推介餐廳，因為好耐冇食韓燒(本身一般，太怕食完成身味)，即管相約三五知己一共四人去試試！一入去已經覺得少少中伏，地下痴立立又由又跣，枱面連上手食嘅食物都未清到😰，..唉～冇辦法已經坐底咗！好～入正堤，講吓食物，韓國餐廳一向會有幾款前菜供應，呢度亦一樣，有泡菜、芽菜、白蘿蔔及海帶，當中泡菜非常不錯，值得一試！其他就一般般，至於主菜，一共點了8樣，醬油蟹～第一次食，由於冇得比較，所以覺得味道ok，口感都良好；牛肋骨及牛舌～由於韓燒食品本身冇加任何調味料，所以冇味道可言👎🏻；魷魚～同樣冇任何味道👎🏻；原隻鮑魚及元貝～反而食到鮮味，味道尚可；芝士年糕～份量極少，只得幾件年糕，味道普通冇特別！總括食品：前菜比主菜好好多😓而店員服務亦非常有問題，全店店員大多年輕人，叫佢地添加前菜，要叫幾次，最離譜係燒元貝時可能元貝本身水份高，一接觸到火就彈得好利害，我地問店員可以點燒，佢竟然反問呢4隻係咩嚟，大家骨當唐O嘴😓竟然連原隻元貝都唔知係乜！埋單4人一共$1300，絕對唔平！最後，一