新派韓食館 (Closed)

同一大班人一齊搵地方食晏，有人建議試呢間。入到去都好多位，但偏偏d職員要我地13個人好逼咁坐埋一齊。我同老婆食咗個好豐富的早餐，見到鐵板芝士拉飯卷個插圖好吸引，所以咪叫黎share. 職員話依味要等15分鐘，我同佢都唔係話好餓所以冇太大問題。d嘢陸續嚟，見到朋友個卡邦尼粉絲年糕，d汁好稀d色好古怪。另一朋友個懷舊便當也有三片好古怪的紅腸，開始感到中伏。我同老婆一等等超過半個鐘，其他人已經食完攞牙簽我地個飯卷都未見影！另一位友人的便當也失蹤！於是問d職員，好明顯漏單職員竟然走去廚房叫個芝士飯卷唔好焗咁耐，感覺更差！嚟到我地身邊剛才還說要偷吃的人也完全冇興趣，個賣相奇差，一睇就知難食！食落去d飯係＂散收收＂又淋身，芝士係一塊一塊溶果d黎，得個鹹字好難食，條腸仔係d cheap嘢，完全唔掂！呢碟嘢竟然要＄59加一，即成＄65！我老婆話簡直貼錢買難受！其他人也說呢間又貴又唔好食，入咗黑名單。