棕櫚閣西餐廳

Open Now

Now Closed

冬至做節，親戚揀左呢間自助餐。老老實實，同朋友食飯俾我揀一定唔會黎呢間。首先價錢唔平，落樓每位$398，但係食左成晚，冇一樣食物，係令我覺得值呢個價錢。食物種類少，好食既更加係冇。全場比較好少少既係燒牛肉，唯一一款達到一般水平既食物。其他都係below average。即叫即蒸海鮮好似好有綽頭咁，其實蒸出黎唔好味，老虎蝦俾佢地蒸到鞋哂。長腳蟹完全係冇味既。原條蒸魚出左一次之後就變左出魚塊。仲有每次出得十件八件既燕窩蛋撻，但係一人最多可以拎四件，前面排左兩三個就係咁先，下輪請早。成晚我都唔知自己食左d咩，咁就冇左四舊水。呢個價錢好食過佢既出面大把選擇。試過一次就算，當出街跌左錢。