泰原味

Open Now

Now Closed

最初開張嘅時候都幫襯過，點知今日再食，好失望。餐廳入面有位，明明見到有客埋單走，都唔見有職員叫入座，白白等多二十分鐘，入到去就見到兩三張卡枱都係吉嘅。。。豬手飯，9成係豬皮，得兩塊碎豬肉，擺到好似俾人食剩咁送嚟。菠蘿冰(特飲跟餐+$9）係糖水冰，無菠蘿味，菠蘿肉係白色，唔係黃色，完全飲唔落。青咖喱豬扒飯，豬扒Dry到起絲，但嗰咖喱汁係OK嘅。成餐飯，淨係得牛肩肉湯粉，酸辣鳳爪，椰汁冰(偏甜)係過得去。另外就係服務態度，下午茶時間見無派下午茶餐牌，問職員拎，隔離枱都係要下午茶餐牌，等左十幾分鐘都無拎嚟，隔離枱頂唔順自己走去收銀枱攞。跟住終於等到派下午茶餐牌，順便同頭先嗰個職員落單，佢無啦啦同我哋講其實下午茶餐牌同午餐牌係一樣，我哋一頭霧水。我哋又無話佢唔拎餐牌俾我哋，亦都無講其他嘢，純粹係叫佢幫我哋落單，完全唔明佢咁講係咩意思，係解釋緊自己點解唔拎下午茶餐俾我哋 定還是講緊我哋頭先無必要問佢拎下午茶餐牌？但我哋當時無啦啦聽到佢咁講，其實都有啲不爽。