Video
Read full review
2021-10-10
210 views
之前一直bookmark 咗想食，見到栗子布蒙朗好吸引咁。星期日特登同fd (3個人)去食，一點去到，留咗電話，店員聲稱等大約個幾鐘，仲話有枱call我地。等到2點半，未有電話，我地去到問店員，要等幾耐，店員竟然話我地留電話留少咗一個數字，比咗我地個位人地😡😡😡有2張稍為大既枱都係岩岩入座，要再等個半鐘，等一張細枱(2人座)離座。店員仲推卸責任話我地寫少咗電話號碼！我完全黑人問號，由頭到尾店員揸住塊板寫，重複電話號碼都係正確，點解寫會寫少咗？等咗半個鐘，有一張細枱(2人座)離座，佢叫我地3個人逼埋一齊，安排係咪有失當？既然2張4人枱都未上餐飲，係咪可以對調，唔洗咁逼呢？到食物方面，甜品係唔錯既，栗子布蒙朗少甜，真栗子整岀黎，同普通餅舖唔同，唔會溝cream 。個吐司好食既，焦糖香蕉係岀色既，吐司質感都唔錯。👍🏻飲品叫咗2杯，黃豆粉黑糖豆乳同抹茶豆乳黃豆粉黑糖豆乳都幾香黑糖味但抹茶豆乳可以話淡到冇味，只係加咗抹茶粉既飲品😪發現其他區有同類型甜品，仲有main 可以食，唔會再黎呢間啦，地理位置太偏僻，舖頭太細，附近又冇野好行，食緊果時聽到排隊再等要等3-4個鐘。食物質素係唔錯，但唔值得浪費
等到2點半，未有電話，我地去到問店員，要等幾耐，店員竟然話我地留電話留少咗一個數字，比咗我地個位人地😡😡😡有2張稍為大既枱都係岩岩入座，要再等個半鐘，等一張細枱(2人座)離座。店員仲推卸責任話我地寫少咗電話號碼！我完全黑人問號，由頭到尾店員揸住塊板寫，重複電話號碼都係正確，點解寫會寫少咗？
等咗半個鐘，有一張細枱(2人座)離座，佢叫我地3個人逼埋一齊，安排係咪有失當？
既然2張4人枱都未上餐飲，係咪可以對調，唔洗咁逼呢？
到食物方面，甜品係唔錯既，栗子布蒙朗少甜，真栗子整岀黎，同普通餅舖唔同，唔會溝cream 。個吐司好食既，焦糖香蕉係岀色既，吐司質感都唔錯。👍🏻
飲品叫咗2杯，黃豆粉黑糖豆乳同抹茶豆乳
黃豆粉黑糖豆乳都幾香黑糖味
但抹茶豆乳可以話淡到冇味，只係加咗抹茶粉既飲品😪
發現其他區有同類型甜品，仲有main 可以食，唔會再黎呢間啦，地理位置太偏僻，舖頭太細，附近又冇野好行，食緊果時聽到排隊再等要等3-4個鐘。食物質素係唔錯，但唔值得浪費咁多時間等一間舖。
17 views
1 likes
0 comments
13 views
0 likes
0 comments
11 views
0 likes
0 comments
Post
