京都勝牛x TOKYO DOLCI (Closed)

見荃灣廣場開咗新的日本餐廳，價錢都唔平，放假一於食吓好嘢😌仲諗住食啲有質素的餐廳服務會好啲，點知職員都喺比個QR CODE客人自己落單，唔知以為自己去咗食元X….我叫咗和牛壽喜燒套餐🐮計埋加一都超過$200/餐…老實講，堅失望👎🏻所謂和牛同普通打邊爐舖頭的牛肉片真係無分別…又厚又（鞋口）..個湯底勁勁甜，食到最後連啲金菇蔬菜都擺唔入口，因為勁甜…珍珠米唔靚，無飯味。我最欣賞既係切得超薄片的沙律菜，清甜。另一半叫咗吉列豬扒咖喱套餐，食後感係豬扒比較乾，咖哩汁比較少。埋單$381，仲要自己行出去收銀比錢，既然下單同埋單都係自助，點解仲要收+1呢？不解。呢個價錢咁嘅質素就真係可一不可再啦。