Video
Read full review
2021-11-28
238 views
幾年前食過一次，呢排天氣凍左就諗起佢，朋友推介食招牌”牛氣沖天”，但要提早預訂，我地兩個人去食，所以店家建議我地要少啲份量，廢事晒嘢~湯底要左”黃金美人”，即係胡椒豬肚花膠黃金鮮雞湯，份量非常足夠，湯頭好甜，雞、豬肚、花膠嘅份量都好多好多，基本上淨係食佢都好夠飽！調味料嘅種類都非常之多，而我自己就揀咗豉油、蒜、辣椒，朋友話辣椒醬都好好味首先上枱嘅係手打麵，有三款，非常彈牙好味，喺Tang 🚧度浸內阻之後好滑好入味，我覺得係全晚最驚喜嘅！豆腐紙，好得意第一次食，浸一浸就變林，真係好似一張紙，又滑又薄。牛氣沖天上枱啦！非常之浮誇，店員仲放咗啲乾冰落去，煙霧離漫，非常適合打卡！配料方面分別有頂級安格斯牛小排、黑毛豬藍玉玫瑰拼盤、手打下院、手打墨魚丸、黑松露鮮蝦餃、韭菜餃、芝士紫菜蝦蟹餃，同埋其他配菜。牛小排非常好味，唔會好肥，食落又好彈牙，好適合我。三款餃都唔錯，特別係黑松露搞，有好重嘅黑松露味，裏面嘅蝦都好大粒食得出有幾粒。黑毛豬好好味，油脂分配足夠，食落去唔會好鞋。蝦丸同墨魚丸就正常水平。個湯頭真係好值得一讚，花膠塊塊都好厚好大塊，好入味。 環境唔錯，乾淨，同埋枱同枱之間都好闊落，唔
幾年前食過一次，呢排天氣凍左就諗起佢，朋友推介食招牌”牛氣沖天”，但要提早預訂，我地兩個人去食，所以店家建議我地要少啲份量，廢事晒嘢~
湯底要左”黃金美人”，即係胡椒豬肚花膠黃金鮮雞湯，份量非常足夠，湯頭好甜，雞、豬肚、花膠嘅份量都好多好多，基本上淨係食佢都好夠飽！
調味料嘅種類都非常之多，而我自己就揀咗豉油、蒜、辣椒，朋友話辣椒醬都好好味
首先上枱嘅係手打麵，有三款，非常彈牙好味，喺Tang 🚧度浸內阻之後好滑好入味，我覺得係全晚最驚喜嘅！
豆腐紙，好得意第一次食，浸一浸就變林，真係好似一張紙，又滑又薄。
牛氣沖天上枱啦！非常之浮誇，店員仲放咗啲乾冰落去，煙霧離漫，非常適合打卡！
配料方面分別有頂級安格斯牛小排、黑毛豬藍玉玫瑰拼盤、手打下院、手打墨魚丸、黑松露鮮蝦餃、韭菜餃、芝士紫菜蝦蟹餃，同埋其他配菜。
牛小排非常好味，唔會好肥，食落又好彈牙，好適合我。三款餃都唔錯，特別係黑松露搞，有好重嘅黑松露味，裏面嘅蝦都好大粒食得出有幾粒。
黑毛豬好好味，油脂分配足夠，食落去唔會好鞋。
蝦丸同墨魚丸就正常水平。
個湯頭真係好值得一讚，花膠塊塊都好厚好大塊，好入味。
環境唔錯，乾淨，同埋枱同枱之間都好闊落，唔會同隔離枱離得好近。
Post
