九份飽 (蜆殼街) (Moved) New Location

估唔到,真係估唔到, 係炮台山既呢個位有間咁台味濃既小店!!好地地真係唔會黎到呢到覓食, 不過試完後,就知道佢要排隊既原因, 由其係而家無得飛, 想食台灣野都只可以係香港搵, 係呢到就可以頂頂癮!裝橫有特式, 除左呢啲燈籠外, 小小既一個地方都裝修得有模有樣。2個人,叫左一個雞扒魯肉飯, 一個五香牛肉麵, 2個都係到台灣必食既美食。仲有花枝丸, 魯水併盤,同埋2杯野飲!!牛肉麵最講究就係湯底。 台味濃雞扒魯肉飯,雞扒外脆內嫩, 而魯肉既汁恰到好處,有肥又有瘦!飲品小食都好食, 重點價錢平,食到飽飽