Assaggio Trattoria Italiana (Closed)

同老婆諗緊去邊度食，機緣巧合推到呢間餐廳，晚餐set $299一位，第二位半價，見到食評又OK, 即刻去馬訂位。😍餐廳位處香港藝術中心，位置一定唔算方便，不過係 分域街一條路過都OK 。餐廳係美麗華group, 質素有保證。前菜揀左生蠔同生牛肉片。生牛肉幾易入口，食完一塊又一塊 ，份量 慷慨。生蠔我冇食，唔知，但聽番老婆話重海水味。主菜揀牛肩扒，蟹肉蛋麵。牛扒叫5成熟，黎到變左7成，不過味道都叫中尚， 薯蓉勁滑，應該落左牛油？蟹肉蛋麵，勁重蟹味，香口，值得encore, 份量亦不少，男仔食都夠飽。至少甜品的奶凍同檸檬蛋糕我就唔識欣賞，叫做可接受。