金菠蘿 (Closed)

今日同朋友下午黎左呢度食泡飯:花膠豆腐肉碎泡飯 $48 - 我朋友話個湯底都幾好味, 有兩舊花膠, 都好多豆腐、鮮菇、翠瓜。望落都幾多料, 份量食完一碗就好飽。翠瓜蠔仔泡飯 $35 - 我呢碗個湯底都好好味, 好香, 叫職員比多D蔥, 真係放左好多蔥, 好開心~ 因為我好鍾意食蔥, 尤其湯飯多蔥好似香好多~ 個餐+$3可以配凍飲或者老火湯, 原本想叫老火湯, 因為望人地個湯好似好正, 但因為我地食泡飯, 已經有湯, 所以叫左凍飲。呢個泡飯唔錯, 我下次應該會再幫襯, 下次叫泡飯都會叫下個老火湯試下。